Londër, 19 shkurt 2026 (MIA) - Shtetasit britanikë Lindzi dhe Kreg Forman janë dënuar me 10 vjet burg në Iran me akuzën për spiunim, bëri të ditur familja e tyre.

Çifti nga Saseksi Lindor u arrestua në janar të vitit të kaluar ndërsa po udhëtonin me motor nëpër Iran dhe po mbahen në burgun Evin në Teheran, raportoi Skaj njuz.

Ata i mohojnë akuzat dhe vendimi u dha pas një gjyqi treorësh më 27 tetor para gjyqtarit Abolgasem Salavati në Gjykatën Islamike Revolucionare.

Sekretarja britanike e Punëve të Jashtme, Ivet Kuper e dënoi dënimin si "krejtësisht të tmerrshëm dhe të pajustifikuar", duke thënë se qeveria do të punojë pa u lodhur për t'i sjellë ata përsëri në Mbretërinë e Bashkuar.

Para vendimit, Kreg Forman i ka përshkruar kushtet e vështira në paraburgim dhe 57 ditët që kaloi në izolim, duke thënë se ato e kishin "shkatërruar fizikisht dhe emocionalisht". mb/

Foto: MIA