Shkup, 13 janar 2026 (MIA) – Për disa struktura politike në Bullgari, Maqedonia është gjithnjë temë interesante për të tërhequr votues, por duke hapur debat për Maqedoninë, vetëm i përkeqësojnë marrëdhëniet, thotë zëvendëskryeministri dhe ministër i Transportit, Aleksandar Nikolloski pas fyerjeve nga Sofja për incidentin e fundit me thyerjen e xhamave të derës në hyrje të Ambasadës së Bullgarisë në Shkup. 

Nikolloski në ditarin qendror në televizionin “Sitel” i pyetur për marrëdhëniet me Bullgarinë, tha se si Qeveri nuk patën fat në Bullgari një periudhë të gjatë të ketë stabilitet politik. 

“Kjo qeveri që tani ka rënë ishte më jetëgjata - zgjati 11 muaj dhe në ato muaj arritëm të biem dakord për Korridorin 8, për të cilin jam veçanërisht krenar. Tani ata po hyjnë përsëri në zgjedhje, në fushatë dhe për struktura të caktuara politike atje, Maqedonia është gjithmonë temë interesante për të tërhequr votues, por mendoj se gabohen sepse në çdo zgjedhje të ardhshme pjesëmarrja është më e ulët, që do të thotë se kjo temë nuk është ajo që presin qytetarët. Arsyeja pse kjo qeveri ra është rritja e tatimeve mbi pensionet dhe dividentët, që do të thotë se qytetarët reagojnë ndaj ekonomisë dhe buxhetit, ndërsa jo ndaj marrëdhënieve me Maqedoninë. Duke hapur një debat për Maqedoninë, ata vetëm sa po i përkeqësojnë marrëdhëniet”, tha Nikolloski.

E dënoi incidentin e fundit me thyerjen e xhamit në derën e hyrjes së Ambasadës së Bullgarisë dhe është i kënaqur që MPB në mënyrë të shpejtë dhe efikase e ka zgjidhur rastin. 

Në lidhje me çështjen e emigrantëve, Nikolloski me qëndrim se koha e ka demantuar këtë tezë gjegjësisht se nuk ka asnjë E nga emigrantë. 

“Kjo tezë doli për herë të parë kur u zhvillua takimi i parë midis kryeministrit Mickoski dhe kryeministrit Starmer. Kjo ishte në maj, tani është janar, nuk ka E për emigrantë. LSDM u përpoq ta riciklonte temën në nëntor. Nuk ka një gjë të tillë. Por këtu ka një çështje shumë serioze - pavarësisht se sa shumë dikush dëshiron të mbajë vendin e tij në një parti politike dhe sa e dobët është një parti politike në një moment të caktuar, themelet e shtetësisë nuk duhet të goditen. Për momentin, kemi tre partnerë seriozë - SHBA-në, Britaninë e Madhe dhe Bashkimin Evropian. Goditja e këtyre tre partnerëve godet themelet e Maqedonisë, dhe pothuajse patëm një goditje në partnerin e parë dhe të dytë. Intelektualë shumë të afërt me LSDM-në goditën seriozisht presidentin Tramp dhe SHBA-në, ndërsa kryetari i LSDM-së goditi personalisht Britaninë e Madhe. Kush është alternativa për të - Koreja e Veriut, Rusia, Kina?”, pyeti Nikolloski. fc/

Foto: printskrin