Shkup, 1 mars 2026 (MIA) - Nga sot hyn në fuqi obligimi ligjor për autentikim të përforcuar gjatë pagesave onlajn me kartela pagesore. Në vend të konfirmimit të deritanishëm me kod SMS, përdoruesit e kartelave pagesore do të marrin një njoftim përmes aplikacionit të bankës mobile dhe do të duhet ta miratojnë transaksionin. Konfirmimi bëhet me një PIN për aplikacionin, një gjurmë gishtash ose njohje të fytyrës. Pa këtë konfirmim, pagesa nuk do të mund të kryhet, edhe nëse dikush i ka të dhënat e kartelës.

Qëllimi është të sigurohet mbrojtja e mjeteve të qytetarëve dhe kompanive përmes kontrolleve shtesë të sigurisë së identitetit të personit gjatë pagesave pa prani fizike.

Autentifikimi i forcuar si një detyrim ligjor për ofruesit e shërbimeve të pagesave rrjedh nga Ligji për Shërbimet e Pagesave dhe Sistemet e Pagesave. Ai po futet gradualisht në vend dhe tashmë është në përdorim kur klientët kryejnë kontrolle llogarie onlajn, si dhe kur kryejnë pagesa me kartela pagese në pikat fizike të shitjes ose me urdhër pagese nëpërmjet shërbimeve bankare elektronike ose mobile. sa/

Foto: MIA arkivi