Tel Aviv, 12 shkurt 2026 (MIA) - Kryeministri i Izraelit, Benjamin Netanjahu sot deklaroi se shpreson që presidenti amerikan, Donald Tramp, do të krijojë kushtet për arritjen e një marrëveshjeje me Iranin dhe do ta pezullojë Teheranin nga aksionet ushtarake. 

Netanjahu theksoi se çdo marrëveshje e mundshme duhet të përfshijë elementë, të cilat janë shumë të rëndësishëm për Izraelin - ndalimin e programit bërthamor të Iranit, kufizimin e raketave balistike dhe ndërprerjen e mbështetjes iraniane për Hamasin, Hezbollahun dhe Huthët. 

Netanjahu dje në Uashington kishte takim me Trampin. Ishte takimi i tyre i shtatë në mandatin e dytë të Trampit. Takimi pasoi pas bisedimeve midis SHBA-së dhe Iranit, që u zhvilluan më 6 shkurt në Oman. 

"Presidenti beson se iranianët e kanë mësuar tashmë se me kë kanë punë. Mendoj se kushtet që ai po krijon, të kombinuara me faktin se ata sigurisht e kuptojnë se gabuan herën e fundit që nuk arritën një marrëveshje, mund të krijojnë kushtet për një marrëveshje të mirë", theksoi Netanjahu. rq/

Foto: EPA