Shkup, 30 mars 2026 (MIA) - Ministri i Administratës Publike Goran Minçev sot nënshkroi marrëveshjen kolektive për të punësuarit në Ministri, e cila parashikon rritje të pagave të të punësuarve administrativë.

Siç njoftoi MAP, rritja e pagave të nëpunësve administrativ do të jetë deri në 40 për qind dhe do të realizohet në tre faza, nga marsi i vitit 2026 deri në mars të vitit 2028.

Ministria e Administratës Publike thekson në një deklaratë se po hidhet një hap i rëndësishëm drejt përmirësimit të statusit të punonjësve dhe forcimit të dialogut social në institucion, dhe se kjo marrëveshje rregullon gjithashtu të drejtat, detyrimet dhe statusin e punës së punonjësve, si dhe kushtet e punës, duke siguruar kështu siguri më të madhe, mbrojtje më të mirë të të drejtave të punëtorëve dhe një kornizë më të qartë për funksionimin e institucionit.

"Ministri Minçev theksoi se nënshkrimi i marrëveshjes kolektive përfaqëson një hap të rëndësishëm drejt përmirësimit të statusit të punonjësve dhe krijimit të një administrate publike të qëndrueshme, profesionale dhe të motivuar. Me këtë akt, Ministria e Administratës Publike konfirmon angazhimin e saj për ndërtimin e një administrate publike moderne, efikase dhe të organizuar drejt, në të cilën krijohen kushte më të mira për zhvillim profesional, stabilitet institucional dhe motivim afatgjatë të punonjësve", njofton Ministria e Administratës Publike. sa/

Foto: Ministria e Administratës Publike