Bruksel, 9 mars 2026 (MIA) - Çmimi i gazit në Evropë sot u rrit përsëri, duke arritur nivelin e tyre më të lartë që nga janari i vitit 2023. Rritja e çmimit është për shkak të vendimit të Rusisë për të ridrejtuar gazin nga tregjet evropiane në ato aziatike dhe para ndalimit të importit në Bashkimin Evropian. 

Një megavat-orë gaz për dërgesë në prill u tregtua me 62,51 euro në bursën dixhitale holandeze TTF këtë mëngjes, rreth 17 për qind më shtrenjtë se në mbyllje të tregtimit në fund të javës së kaluar. Në fillim të tregtimit të sotëm, çmimi i tij u rrit në 68,63 euro. 

Krahasuar me ditën e fundit të tregtimit në shkurt, përpara sulmit të SHBA-së dhe Izraelit ndaj Iranit, çmimet e gazit janë aktualisht pothuajse dyfish më të larta, duke arritur nivelin e tyre më të lartë që nga janari i vitit 2023. 

Çmimet e benzinës u rritën pas sulmit amerikano-izraelit ndaj Iranit më 28 shkurt, i ndjekur nga sulmet e Teheranit ndaj bazave amerikane në shtetet e Gjirit Persik, ndërsa armata iraniane ka ndaluar anijet e lidhura me SHBA-në, Izraelin dhe vendet evropiane të kalojnë nëpër Ngushticën e Hormuzit.

Më 4 prill, "KatarEnerxhi" njoftoi klientët se për shkak të “forcës madhore” nuk do të ishte më në gjendje të furnizonte gaz natyror të lëngshëm (LNG) sipas kushteve të rëna dakord. Katari prodhon rreth një të pestën e gazit natyror në botë dhe është eksportuesi i dytë më i madh në botë, pas SHBA-së.

Bashkimi Evropian ka ndaluar importimin e gazit rus përmes tubacioneve, ndërsa planifikon të ndërpresë furnizimet me LNG. Për momentin, gazi furnizohet kryesisht nga SHBA-ja, Norvegjia dhe Katari. 

Qeveria e Rusisë më 6 mars kumtoi se do të ridrejtonte një pjesë të gazit natyror të lëngshëm të destinuar për tregjet evropiane te blerësit në Azi, përpara se të hynte në fuqi ndalimi i BE-së për importet e gazit rus. rq/

Foto: EPA