Mickoski: VMRO-DPMNE është pjesë e Samitit të PPE-së, do të diskutojmë për sfidat globale, ndërsa do të theksojmë edhe zgjerimin e BE-së
Shkup, 18 mars 2026 (MIA) - Kryeministri Hristijan Mickoski, i cili po merr pjesë në 50-vjetorin e formimit të Partisë Popullore Evropiane në Bruksel, përmes video-fjalimit njoftoi se përveç shënimit të këtij përvjetori, do të mbahet edhe Samit i liderëve që janë pjesë e familjes së Partisë Popullore Evropiane.
Siç thotë Mickoski, në Samit do të diskutohen perspektivat ekonomike të kontinentit evropian, sfidat globale, lufta në Ukrainë, si dhe lufta në Gjirin. Megjithatë, me interes të veçantë për delegacionin e Maqedonisë, thekson ai, është diskutimi mbi zgjerimin e BE-së, si dhe arritjet dhe reformat e bëra në muajt e fundit nga qeveria e udhëhequr nga VMRO-DPMNE.
Me Mickoskin në Bruksel janë sekretari i përgjithshëm i partisë, Dragan Kovaçki, si dhe anëtari i Komitetit Ekzekutiv të VMRO-DPMNE-së, Stefan Andonovski.
Mickoski u takua me homologun e tij kroat, Andrej Plenkoviq, në kuadër të Kongresit të Partive Popullore Evropiane. Ai informoi në profilin e tij në Fejsbuk se bashkëpunimi rajonal dhe perspektiva evropiane ishin në qendër të bisedimeve. sa/
foto/video: VMRO-DPMNE
