Shkup, 27 mars 2026 (MIA) - Ndoshta dikush mund ta besojë që fjalimi i Zonjës së Parë të SHBA-së përpara se ta thotë atë publikisht nuk kalon nëpër një shqyrtim nga një përfaqësues diplomatik? Unë nuk besoj në këtë, deklaroi sot kryeministri Hristijan Mickoski, duke komentuar artikujt e mediave që deklaronin se Greqia reagoi sepse gruaja e presidentit të SHBA-së, Melania Tramp, përdori emrin Maqedoni në një ngjarje në Uashington, ku mori pjesë edhe gruaja e kryeministrit, Rozi. 

"Unë e lexova atë artikull në median e fqinjit tonë jugor. Supozoj se burimi është diplomatik. Ndoshta dikush mund ta besojë që fjalimi i zonjës së parë të Shteteve të Bashkuara, përpara se ta thotë publikisht, i nënshtrohet shqyrtimit nga një përfaqësues diplomatik? Unë nuk besoj në këtë. Gjegjësisht, nëse kjo ka ndodhur, atëherë SHBA-ja ka një problem serioz me protokollin e sigurisë. Ndërsa ajo që, supozoj, diplomatët e ndonjë ambasade duan të jenë ndoshta interesantë për mediat, kështu që e paraqesin si nuk e di çfarë suksesi diplomatik apo diçka të ngjashme, kjo është një temë tjetër, por më besoni, nga përvoja ime, është, nëse jo e pamundur, që dikush nga jashtë të arrijë në fjalimin e zonjës së parë të SHBA-së përpara se ajo ta kumtojë për publikun. Ata që e konceptuan këtë mendoj se kanë bërë një serial dramatik të pasuksesshëm", tha Mickoski. rq/

Foto: MIA