Tetovë, 7 prill 2026 (MIA) - Shkolla e Mesme e Mjekësisë “Nikolla Shtejn” - Tetovë, me rastin e patronazhit të saj dhe Ditës Botërore të Shëndetit, organizoi një ngjarje publike në qendër të qytetit.

Me rastin e Ditës Botërore të Shëndetit, nxënësit kryen kontrolle të sheqerit në gjak dhe ekzaminime të ngjashme mjekësore te kalimtarët e interesuar. Njëherit pati edhe prezantime për drejtimet në shkollë për nxënësit e interesuar nga shkolla fillore. 

"Sot, në këtë ditë të bukur pranvere, festojmë Ditën Ndërkombëtare të Shëndetit këtu në sheshin në Tetovë, së bashku me nxënësit e shkollës së mesme të mjekësisë dhe Fakultetit të Shkencave Shëndetësore në Universitetin e Evropës Juglindore. Jemi këtu për të promovuar njëkohësisht programet e shkollës së mesme dhe të fakultetit, por edhe për të kontribuar që qytetarët tanë të informohen për rëndësinë e shëndetit të tyre, përkatësisht për masat që duhet të ndërmarrin në drejtim të kontrolleve të rregullta në kuptimin që parandalimi është më i mirë se kurimi", deklaroi kryetari i komunës Bilal Kasami.

Shkolla e Mesme e Mjekësisë "Nikola Shtejn" - Tetovë, sipas konkursit të fundit për vitin akademik 2026/2027, parashikon të regjistrojë gjithsej 696 nxënës në 21 paralele në vitin e parë të arsimit të mesëm.

Nga këta, 195 nxënës në gjashtë paralele me mësim në gjuhën maqedonase, 467 nxënës në 14 paralele me mësim në gjuhën shqipe dhe 34 nxënës në një paralele në gjuhën turke.

Në sektorin "Shëndeti dhe Mbrojtja Sociale", për drejtimet infermiere, teknik dentar, teknik farmaceutik, teknik fizioterapie, janë të nevojshme minimum 70 pikë. Në sektorin "Shërbime personale dhe të tjera", për një teknik për kujdes kozmetik dhe bukurie - minimumi 45 pikë. ls/

Foto: MIA