Romë, 26 shkurt 2026 (MIA) - Partitë qeveritar italian ka arritur një marrëveshje mbi një reformë gjithëpërfshirëse të ligjit zgjedhor, konfirmuan sot dy burime anonime. Sipas partive opozitare, marrëveshja ka përqëllim t'i lejojë kryeministres Xhorxha Meloni të mbetet në pushtet pas zgjedhjeve të planifikuara për vitin 2027. 

Sipas sistemit aktual zgjedhor, shumica e anëtarëve të të dy dhomave të parlamentit zgjidhen përmes listave të partive dhe një sistemi proporcional, por 36 për qind e tyre zgjidhen në zona zgjedhore sipas parimit "fituesi i merr të gjitha": i cili ka më shumë vota, fiton edhe nëse nuk ka shumicën.

Koalicioni i krahut të djathtë i Vëllezërve të Italisë të kryeministres Meloni, Ligës dhe Forca Italia mbështet një kalim në një sistem plotësisht proporcional me një shumicë të garantuar parlamentare për secilin koalicion që fiton më shumë se 40 për qind të votave.

Në zgjedhjet e fundit në vitin 2022, Partia Demokratike kryesore e opozitës dhe Lëvizja Pesë Yje nuk arritën të formonin një koalicion, duke e bërë më të lehtë për bllokun e krahut të djathtë të Melonit të merrte pushtetin falë fitoreve në shumicën e zonave zgjedhore me një sistem "fituesi i merr të gjitha".

Plani i ri, që duhet të ratifikohet nga parlamenti, përfshin mundësinë e një rrethi të dytë votimi, i cili do të zhvillohej vetëm nëse koalicioni fitues fiton 35 deri në 40 për qind të votave.

Partitë në pushtet në Itali shpesh janë përpjekur të ndryshojnë rregullat zgjedhore gjatë mandateve të tyre në pushtet, shpesh me qëllim që të fitojnë një avantazh në zgjedhjet e ardhshme. rq/

Foto: EPA