Pekin, 26 mars 2026 (MIA) - Kina njoftoi vendosjen e një sistemi kombëtar të sigurimeve për kujdes afatgjatë, një masë e synuar për të ulur presionin mbi familjet dhe për të forcuar sistemin social në kushtet e plakjes së shpejtë të popullsisë.

Plani, i publikuar nga Këshilli shtetëror i vendit, parashikon sigurimin e shërbimeve ose mbështetje financiare për kujdesin bazë mjekësor dhe atë ditor për personat me aftësi të kufizuara të përhershme që zgjasin gjashtë muaj ose më shumë.

Kjo iniciativë është një element kyç i sistemit të sigurimeve sociale dhe një hap i rëndësishëm për "përballimin aktiv të plakjes së popullsisë".

Derisa të vitit 2035, pritet që numri i personave mbi 60 vjeç në Kinë të arrijë rreth 400 milionë – rreth sa popullsia totale e Shteteve të Bashkuara të Amerikës dhe Italisë. Kjo nënkupton një ulje të ndjeshme të fuqisë punëtore në një kohë kur sistemi i pensioneve është tashmë nën presion.

Ekspertët paralajmërojnë se sfidat demografike do të thellohen, pasi popullsia e Kinës pritet të ulet për të katërtin vit me radhë në vitin 2025, ndërsa shkalla e lindshmërisë arrin një nivel rekord të ulët.

Korniza e re ka për qëllim të ndërtojë "një sistem të unifikuar që do të përfshijë të gjithë popullsinë" brenda tre viteve, bazuar në pilot-programet të nisura në vitin 2016.

Zyrtarët thonë se programi ndjeshëm do të përmirësojë cilësinë e jetës së personave me aftësi të kufizuara duke siguruar qasje në kujdesin bazë si ushqimi, higjiena personale dhe kujdesi mjekësor.

Sistemi do të financohet përmes kontributeve nga punëdhënësit, individët dhe subvencioneve qeveritare, ku pritet që shkalla totale të jetë rreth 0,3 për qind. Banorët, si në zonat rurale ashtu edhe në ato urbane, do të kenë qasje në të njëjtin fond dhe përfitime të barabarta.

Megjithatë, vendi vazhdon të përballet me pabarazi të konsiderueshme në qasjen ndaj kujdesit midis zonave rurale dhe atyre urbane. Autoritetet kanë shprehur qëllimin e tyre për të ulur ndjeshëm këto pabarazi deri në vitin 2035. qa/

Foto: Piksabej