Shkup, 8 janar 2026, (MIA) - Në rastin "Tanku", furnizimi i "Mercedesit" të blinduar, Qeveria nuk ka qenë e detyruar të publikojë shpallje, përkatësisht të shpallë tender. Pra, nuk ishte e detyruar. Mund ta kishte blerë "Mercedesin" me një marrëveshje në katër sy, sepse ligji e lejon, sepse është një furnizim specifik. Furnizohet një automjet që do të përdoret për kushte të veçanta, si për kreun tonë shtetërorë ashtu edhe për mysafirët që vijnë në vizitë. Makina të tilla posedojnë edhe vendet e tjera, ndërsa ato që nuk kanë ose kanë nevojë për më shumë automjete të tilla në situata të caktuara, paguajnë shuma të mëdha parash për qira. Si nga perspektiva njerëzore ashtu edhe nga ajo profesionale, këtu të dënuarit u "morën në qafë". Dhe më vjen keq për znj. Jankullovska, sepse ajo kishte një foshnjë në atë kohë. E ndanë nga foshnja dhe e burgosën për asgjë. Shteti nuk dëmtohet në atë rast. Keqpërdorim do të kishte nëse ka një pasojë të dëmshme. Dhe në këtë rast, kush u dëmtua? Jankullovska madje kreu një prokurim publik dhe nuk ishte e detyruar ta bënte këtë, shpjegon për rastin “Tanku”, avokatja Lejla Kadriu e cila për një kohë të shkurtër ishte në PSP-në e Katica Janevës, ndërsa kaloi shumë vite si një nga prokuroret shtetërore më profesionale në sistemin gjyqësor të vendit.

Kur u pyet nga prezantuesi Bogdan Ilievski, në emisionin në TV Alfa, se si në PSP furnizoheshin makinat, kur njerëzit ishin dënuar tashmë për "Mercedesin", ajo u përgjigj:

"Në Kolegjium flitej se nga kush do të furnizohen makinat. Thonin ta marrim nga ky, sepse kemi një marrëveshje me të". Unë i dëgjoja bisedat, por nuk kam marrë pjesë në furnizime, sepse nuk isha pjesë e ekipit të furnizimit publik."

Sipas pretendimit të saj, në fillim të punës së PSP-së, me paratë menaxhonte Elizabeta Josifovska.

“Ne ende nuk kishim një punonjës për atë aktivitet, ndërsa Josifovska e dinte zanatin nga nëna e saj, kështu që siç thoshte ajo, kështu bëhej”, thotë Kadriu e cila shton se PSP shpenzonte para për të mos lejuar që ato të ktheheshin në buxhet në fund të vitit, kështu që në fund të vitit 2015 për dy muaj e gjysmë shpenzuan një milion euro dhe në vitet në vijim shpenzuan katër milionë euro, ndër të tjera duke ndarë bonuse.

Ajo ka folur edhe për rastin e Martin Neshkovskit, për të cilin u krijua një situatë se kinse qeveria e atëhershme dhe ministrja Jankullovska donin ta mbulonin rastin, kështu që kjo ishte pjesë e pamjeve të paligjshme që Zoran Zaevi i përdori në mënyrë të paligjshme dhe vdekja e të riut u përdor gjithashtu në "Revolucionin e larmë".

"E dëgjova atë bisedë për Martin Neshkovskin. Dhe e sigurova, sepse ishte një rast vendimtar, e sigurova nga gjykata. Për të parë nëse kishte apo jo një krim këtu. E studiova rastin dhe duhej të bëja një strategji për njerëzit e përmendur - kush ku ishte, çfarë dhe ku bëri, me kë komunikoi, ku ishte Martini, si vuajti dhe si erdhi rezultati fatal. Pra, e shqyrtova atë. Dhe arrita në përfundimin se rasti këtu është i pastër, i konfirmuar nga Strasburgu. Por ata përdorën Igor Spasovin, e çuan andej- këndej dhe në fund nuk doli asgjë prej saj. Ajo që thashë që nga fillimi, nga rishqyrtimi im i të gjithë rastit, ata punuan për një vit e gjysmë tjetër", thekson Kadriu.

Lidhur me rastin e “bonuseve në PSP” gjë të cilën e pësoi prokurori Mustafa Hajrullai, sepse nuk donte ta mbyllte çështjen sepse sipas tij, këtu ka krim të kryer nga prokurorët special, Kadriu thotë:

"Pra, kjo është. Paratë duhej të shpenzoheshin. Dhe ata shpiknin mënyra për të anashkaluar ligjin...", ka thënë ajo.

Ndërkaq, lidhur me prokuroren Lençe Ristovska e cila pretendon se i meritonte ato para (bonuset nga PSP-ja, për të cilat ka një rast në PP), Kadriu thotë se ajo gjithmonë ka luajtur rolin e viktimës:

“Ajo kërkon vazhdimisht vëmendje dhe luan rolin e viktimës për të arritur qëllimet e saj”, pohon Kadriu.

Kadriu sot është avokate. Ajo për veten thotë: 

"Kam mbaruar dy fakultete juridike, në Universitetin e Tetovës dhe në Universitetin e Prishtines. Jam magjistër në shkencat mjeko-ligjore. Atë pjesë e përfunduar në Fakultetin e Sigurisë, këtu në Shkup. Motivi për diplomën master në mjekësinë ligjore ishte pikërisht se isha prokurore, dhe doja të dija dhe të isha e sigurt se si të gjendeshin gjurmë, si të dëshmohet vepër penale, në mënyrë që të mund të hyje në sallën e gjyqit, siç thotë, me fytyrë të pastër dhe me dëshmi. Ligji i ri i procedurës penale parashikon një normë ligjore që thotë se çdo gjë që është e dyshimtë shkon në favor të të akuzuarit. Në shumë raste, në sallën e gjyqit dikush hynë me dëshmi të pasigurta. Unë kurrë nuk kam dashur të hyj në sallën e gjyqit me dëshmi të tilla. Përndryshe, jam nënë e katër fëmijëve, me arsim universitar, me doktorata. Pra, një nënë krenare."