Teheran, 10 maj 2026 (MIA) - Teherani zyrtarisht u dërgoi ndërmjetësuesve pakistanezë përgjigje për propozimin më të ri francez, me të cilin ka qëllim t'i jepet fund, siç thuhet, agresionit ushtarak kundër Iranit.

Sipas planit të propozuar, siç u konfirmua për agjencinë iraniane të lajmeve IRNA, faza e tanishme e negociatave është e orientuar ekskluzivisht drejt ndërprerjes së armiqësive në rajon.

Zëdhënësi i Ministrisë iraniane të Punëve të Jashtme paraprakisht deklaroi se pikëpamjet dhe mendimet e Teheranit mbi propozimet e SHBA-së do të transmetohen pasi të përfundonin analizat e brendshme dhe të arrihen konkludimet përfundimtare.

Pakistani ndërmjetësoi në armëpushimin mes Teheranit dhe Uashingtonit më 8 prill, me çka u ndalën sulmet pothuaj 40-ditore të SHBA-së dhe Izraelit ndaj Iranit dhe sulme hakmarrëse ndaj vendeve në rajon, ku ka baza amerikane.

Bisedimet që vijuan disa ditë më vonë në Islamabad nuk arritën kurrfarë përparimi. bsh/

Foto: MIA arkiv