Kiev, 27 shkurt 2026 (MIA) - Bordi i Drejtorëve të Fondit Monetar Ndërkombëtar (FMN) ka miratuar një marrëveshje të re katërvjeçare për financim të zgjeruar për Ukrainë, në vlerë prej 8,1 miliardë dollarësh, njoftoi kryeministrja e Ukrainës, Julia Sviridenko.

"Transha e parë prej rreth 1,5 miliardë dollarësh do të arrijë në Ukrainë në të ardhmen e afërt. Mjetet do t’i shfrytëzojmë për financimin e deficitit buxhetor dhe për mbështetjen e stabilitetit makrofinanciar", tha Julia Sviridenko, transmeton Ukrinform.

Sipas saj, programi i mbështetur nga FMN është pjesë e një kornize më të gjerë fiskale, e konceptuar për të mbuluar deficitin e projektuar të buxhetit shtetëror prej 136,5 miliardë dollarësh gjatë katër viteve, dhe përfshin vazhdimin e reformave që kanë siguruar stabilitet makroekonomik dhe financiar në vitet e kaluara.

Kryeministrja e Ukrainë më herët gjatë kësaj jave deklaroi se qeveria ukrainase ka arritur marrëveshje me Fondin Monetar Ndërkombëtar për rritjen e limitit vjetor për sipërmarrësit individualë, pas arritjes së të cilit ata duhet të regjistrohen si tatimpagues të TVSH-së. qa/

Foto: Arkivi i MIA-s