Shkup, 18 mars 2026 (MIA) - Filloi shpërndarja e vauçerëve për blerjen dhe instalimin e klimës inverter për qytetarët që kanë fituar të drejtën sipas Thirrjes Publike për vitin 2025. Nga sot deri më 17 prill 2026, personat që ndodhen në listë do të mund t’i tërheqin vauçerët në qendrat ndërkomunale për punë sociale në komunën ku jetojnë.

Vauçeri lejon blerjen dhe instalimin e një kondicioneri inverter me fuqi 3.5 kW dhe të paktën klasën e energjisë A+, dhe mund të përdoret jo më vonë se data 15 tetor 2026. Vlera e vauçerit është deri në 28,000 denarë, pa pagesë shtesë nga përdoruesit.

Në ueb faqen e Ministrisë së Energjisë, Minierave dhe Burimeve Minerale (MEMBM) janë publikuar të gjitha detajet rreth dokumentacionit të kërkuar dhe procedurës për ngritje, si dhe listën e kompanive me të cilat janë lidhur kontrata, me të cilat qytetarët do të jenë në gjendje të blejnë kondicionerë inverter duke përdorur vauçerin.

"Bëhet fjalë për fazën e dytë të procedurës tashmë të përfunduar, në të cilën të drejtë për mbështetje kishin ekskluzivisht familjet që më së voni deri më 5 tetor 2025 kishin paraqitur kërkesë, kishin dorëzuar dokumentacion të plotë dhe kishin përmbushur kushtet e përcaktuara në Programin për mbrojtjen e konsumatorëve të cenueshëm të energjisë", informon shërbimi për shtyp i MEMBM.

Lista e qytetarëve të kualifikuar, si dhe lista e kompanive, janë në dispozicion në faqen e internetit të ministrisë:

https://energy.gov.mk/mk-MK/odnosi-so-javnost/rezultati-i-spisoci

Ministria thekson se kjo fazë u referohet ekskluzivisht qytetarëve që kanë aplikuar tashmë në vitin 2025 dhe përfaqëson finalizimin e procedurës, në kuadër të së cilës ndahen gjithsej 4.070 vauçerë.

"Me këtë masë, shteti vazhdon të ofrojë mbështetje konkrete për kategoritë e cenueshme të qytetarëve, duke siguruar kosto më të ulëta të energjisë dhe efikasitet më të lartë të energjisë në amvisëri". informon MEMBM. sa/

foto: MIA arkivi