Bruksel, 12 shkurt 2026 (MIA) - Ekonomia e Bashkimit Evropian (BE) është në gjendje të tmerrshme dhe katastrofike për shkak të klimës qesharake dhe qëllimeve ideologjike, deklaroi kryeministri sllovak Robert Fico, përderisa shkonte për në një samit joformal të konkurrencës në kështjellën, Alden Bizen në Belgjikë, publikuan mediat belge. 

Liderët e BE-së sot do të takohen për bisedime të thirrura nga presidenti i Këshillit Evropian, Antonio Koshta, për të ndikuar në drejtimin e politikës ekonomike të bllokut, mes presionit në rritje mbi konkurrueshmërinë dhe sfidave për unionin për shkak të varësisë strategjike nga lëndët e para kritike nga vendet e treta.

Po udhëtoj në Belgjikë për një samit joformal ku do të diskutojmë se çfarë të bëjmë me ekonominë e BE-së, e cila është në një gjendje të tmerrshme për shkak të klimës qesharake dhe qëllimeve ideologjike. Është më mirë të thuhet se është në një gjendje katastrofike. Nëse nuk bëjmë asgjë këtë vit, veçanërisht me çmimet e energjisë elektrike, Evropa nuk do të bëhet asgjë më shumë se një muze kulturor në ajër të hapur për turistët e pasur kinezë", tha Fico. 

Çështja e çmimeve të larta të energjisë elektrike u theksua edhe gjatë samitit të Industrisë Evropiane të djeshëm në Antverp, në të cilin morën pjesë përfaqësues të lartë të rreth 500 kompanive kryesore evropiane.  rq/

Foto: EPA