Shkup, 31 mars 2026 (MIA) - Një dëshmitar i punësuar në MPB, i cili gjatë vitit 2023 ishte shef i zyrës së jashtme për çështje kriminalistike në Koçan, sot në Gjykatën Themelore Penale në Shkup, deklaroi se janë kryer disa kontrolle në diskotekën "Puls" dhe se janë konstatuar shkelje. 

Në seancën e sotme gjyqësore kundër tre policëve të akuzuar në Koçan për veprimet gjatë kontrolleve lidhur me diskotekën "Puls", ku më 16 mars të vitit të kaluar në një zjarr humbën jetën 63 persona, ndërsa mbi 200 u plagosën, u dëgjuan dy dëshmitarë - punonjës policie në Koçan të propozuar në mbrojtja. 

Dëshmitarit Borçe Ivanov, i punësuar në MPB si këshilltar kryesor në komisionin për shkelje i cili gjatë vitit 2023 ishte shef i zyrës së jashtme për çështje kriminalistike në Koçan, në fillim iu paraqit Aneks nga plani i veprimit për kontrollet e kryera në diskotekën "Puls", të cilin, siç u theksua nga mbrojtja, ai e kishte nënshkruar, pas çka ka vazhduar të përgjigjet në pyetjet lidhur me mënyrën e veprimit në rastet kur pronari nuk dëshiron të bashkëpunojë, nuk është aktiv në Regjistrin Qendror dhe si përpilohet procesverbali dhe kërkesa për kundërvajtje. 

Në pyetjen nga mbrojtja, se çfarë ndodh kur personi juridik apo fizik i kontrolluar nuk dëshiron të bashkëpunojë, gjegjësisht nuk dëshiron të paraqesë gjendjen aktuale, dëshmitari tha se në këtë rast kërkohen të dhëna nga Regjistri Qendror.  

Lidhur me atë se çfarë bëhet në rastin konkret atë mbrëmje kur konstatohet se nuk dëshiron të bashkëpunojë, dëshmitari tha se përpilohet një procesverbal për kundërvajtjen e konstatuar. 

"Përpilohet procesverbali për kontroll të kryer, ku do të konstatohet dhe do të përgatitet një kërkesë për përcaktimin e të dhënave për personin juridik, si dhe do të hartohet procesverbal për kundërvajtjen e konstatuar dhe kërkesë për procedurë kundërvajtëse", tha dëshmitari. 

Në fillim të gjykimit, tre të akuzuarit deklaruan para Gjykatës se nuk ndihen fajtorë për akuzat që rrjedhin nga veprimet e tyre gjatë kontrolleve që lidhen me diskoteken "Puls".

Të pandehurit akuzohen se gjatë kryerjes së kontrolleve të aksioneve në objektin hotelerik "Puls" për mosveprim në përputhje me rregullat e përcaktuara në planet aneks për aksionin e kontrolleve dhe për shënjimin në procesverbal të një personi ligjor dhe përgjegjës joaktiv, i cili, siç shpjegoi prokurorja, nuk ishte aktiv në klub në momentin e kontrollit.

Sipas aktakuzës, në periudhën nga 7 tetori 2023 deri më 7 shkurt të vitit 2024, të akuzuarit Kire Bogatinov dhe Goran Lazarov, si persona zyrtarë, nuk i kanë kryer detyrat e tyre zyrtare, gjegjësisht nuk kanë vepruar plotësisht në përputhje me planet aneks për kontrollin e veprimit të 5 tetorit dhe 24 nëntorit të vitit 2023 gjatë përgatitjes së procesverbaleve për kontrollet e kryera.

Në procesverbal janë konstatuar shkelje të rendit dhe qetësisë publike, por janë futur të dhëna të pasakta për personin juridik kabare "Puls" në Koçan.

Sipas aktakuzës, i akuzuari i tretë Aleksandar Temelkov, me rastin e miratimit të kërkesave për fillimin e procedurës kundërvajtëse më 1 dhe 7 shkurt të vitit 2024, nuk e ka kontrolluar të gjithë dokumentacionin e bashkangjitur atyre, megjithëse ishte i detyruar ta bënte këtë, por i ka nënshkruar dhe i ka dorëzuar në gjykatën në Koçan. Kërkesat janë përgatitur kundër personit juridik joaktiv "Klasik" SHPK Koçan dhe një personi fizik të treguar si përgjegjës në "Puls", megjithëse, sipas aktakuzës, ato nuk ishin subjekte aktive në kohën e zhvillimit të procedurës.

Me veprime të tilla, tre të akuzuarit kanë përfituar përfitime materiale për "MMMM kafe" SHPK Koçan, degë e kabaresë "Puls", si dhe për personin përgjegjës, në një mënyrë të përshkruar saktësisht në aktakuzë. qa/

Foto: MIA