Gjenevë, 17 shkurt 2026 (MIA) - Delegacionet e diplomatëve të lartë nga SHBA-së dhe Irani sot në Gjenevë do të negociojnë mbi programin bërthamor të Iranit me ndërmjetësimin e Omanit, publikuan agjencitë.  

Të dy delegacionet do të udhëhiqen nga ministri i Punëve të Jashtme iraniane, Abas Aragçi dhe përfaqësuesi i posaçëm i SHBA-së Stiv Uitkof. 

Bisedimet midis tyre do të zhvillohen në mënyrë indirekte në Ambasadën e Omanit në Gjenevë. Bisedimet do të zhvillohen në kontekstin e marrëdhënieve të tensionuara midis Uashingtonit dhe Teheranit, pasi forcat iraniane të sigurisë shtypën brutalisht një valë protestash muajin e kaluar në të cilën lanë mijëra persona të vdekur.  

Si përgjigje, presidenti amerikan, Donald Tramp, i kërcënoi sundimtarët e Republikës Islamike me ndërhyrje ushtarake dhe dërgoi një aeroplanmbajtëse në Lindjen e Mesme. 

Rrethi i parë i bisedimeve për të ulur tensionet midis dy vendeve u zhvillua në kryeqytetin e Omanit, Muskat, në fillim të këtij muaji.

Tema kryesore e dialogut të ardhshëm në Gjenevë do të jetë programi bërthamor i diskutueshëm i Iranit. 

Uashingtoni është përpjekur prej vitesh të parandalojë qeverinë iraniane nga pajisja me një bombë bërthamore. Teherani deklaroi është gati të diskutojë kufizimet në programin e tij bërthamor nëse SHBA-ja është e gatshme të heq sanksionet e ashpra ekonomike. 

Irani kumtoi se nuk është gati të negociojë për çështje të tjera, të tilla si kufizimi i arsenalit të tij raketor ose ndërprerja e mbështetjes për grupet e armatosura. rq/

Foto: arkivi i MIA-s