Teheran, 8 maj 2026 (MIA) - Shefi i diplomacisë iraniane, Abas Aragçi, sot deklaroi se Uashingtoni zgjedh një "aventurë ushtarake të papërgjegjshme" sa herë që ka një zgjidhje diplomatike në tryezë. 

"A është kjo një taktikë e ashpër presioni? Apo është rezultat i një ‘zbuluesi’ që e ka mashtruar përsëri presidentin amerikan duke e futur në një tjetër rrëmujë”, theksoi Aragçi në një publikim në "Iks".  

Sipas mendimit të tij, rezultati është i njëjtë, pavarësisht arsyeve. 

"Iranianët nuk i nënshtrohen kurrë presionit, ndërsa diplomacia është gjithmonë viktimë. Gjithashtu, CIA gabon. Inventari ynë i raketave dhe kapaciteti i sistemit të lëshimit nuk janë në nivelin 75 për qind krahasuar me 28 shkurtin. Shifra e saktë është 120 për qind. Që i referohet gatishmërisë për të mbrojtur popullin tonë, është 1.000 për qind", përfundoi Aragçi.

Presidenti amerikan, Donald Tramp, më herët sot deklaroi se armëpushimi midis SHBA-së dhe Iranit mbetet në fuqi, pasi të dyja palët mbrëmë shkëmbyen zjarr në Ngushticën e Hormuzit.  rq/

Foto: arkivi i MIA-s