Shkup, 12 shkurt 2026 (MIA) - Ministri i Shëndetësisë, Azir Aliu në konferencën e sotme për shtyp për zgjidhjen e problemit me parkimin në Qendrën klinike "Nëna Terezë" paralajmëroi se është në plan që të ketë katër lloje pagesash në të ardhmen.

"Do të ketë disa lloje pagesash të vendeve për parkim. Pacientët e Onkologjisë edhe tani kanë vendparkim falas, kjo do të vazhdojë edhe mëtej. Pacientët që mjekohen këtu do të paguajnë çmim që do të jetë i kapshëm për ata dhe nuk do të jetë komercial. Të punësuarit në Qendrën klinike do të kenë çmim që është i aksesueshëm për administratën. Në fund, do të kemi çmim që do të jetë komercial, si në të gjitha vendparkimet që ka çmime komerciale. Kjo do të jetë për qytetarët që do të parkohen për arsye tjera ose për të vizituar ndonjë të afërm, të hospitalizuar në kliniakt "Nëna Terezë" në Shkup, sqaroi Aliu në pyetjen e gazetarëve për çmimet e parkimit.

Ai informoi se në plan është që përmes aplikimit të rezervohet vendparkim, sipas numrit të udhëzimeve ose para rampës të skanohet kodi i udhëzimit. Sipas të parashikuarës, do të mund të paguhet onlajn në aplikacion sikur deri në tani - me çara në dorë ose kartelë.

Sipas analizave fillestare, deri në qershor duhet të ketë edhe garazhe në kate që do të mund të përdoren. Numri i garazheve në kate, siç informoi ministri, në maksimum do të jenë tre.

"Ideja është që të kemi vende të lira për parkim, aq sa na nevojiten. Është bërë analizë sipas asaj se janë përdorur në tre vitet e fundit. Piku është diku nga ora 10 deri në 15 në Qendrën klinike", shtoi Aliu.

Në pyetjen se ku janë planifikuar garazhet shumëkatëshe, ministri tha se tre vendndodhjet që janë diskutuar deri më tani janë një pranë spitalit modular, një hapësirë ​​e dytë për një garazh shumëkatësh pranë Gjinekologjisë dhe një hapësirë ​​e tretë për një garazh shumëkatësh pranë platformës së uljes së helikopterëve.

"Nga do të fillohet varet nga Ndërmarrja Publike "Parkingu i Qytetit", u përgjigj ai në pyetjet e gazetarëve.

Ministri tha se zona e Klinikës do të rregullohet me gjelbërim, shtigje për këmbësorë, me një "pistë të shpejtë" për Autoambulancën, ndërsa plani ishte të hapej një hyrje e re që do të jetë pranë Kardiologjisë dhe Kardiokirurgjisë për pacientët për të cilët çdo moment është i rëndësishëm në jetën e tyre.

"Pas muajsh pune intensive dhe kalimit nëpër të gjitha procedurat e nevojshme administrative dhe ligjore, më në fund kemi arritur në një vendim që do të zgjidhë problemin dekadash me parkimin brenda kompleksit klinik. E shpallëm këtë çështje si një nga prioritetet e para, por mbyllja e të cilit u kushtëzua nga procedura dhe rregullime komplekse. Me vendimin e fundit të Qeverisë, të miratuar në seancën e së martës, kjo çështje merr një kornizë të qartë institucionale dhe hap rrugën për një zgjidhje të përhershme në interes të pacientëve dhe të gjithë punonjësve në kompleksin klinik", tha Aliu në konferencën për shtyp.

Ai shtoi se bëhet fjalë për dhënie me qira të pasurive të patundshme në afërsi me Qytetin e Shkupit, për shkak të organizimit, menaxhimit, rregullimit dhe mirëmbajtjes së vendparkimeve në hapësirat e kompleksit të klinikave "Nëna Terezë" në Shkup.

"Në fazën e ardhshme, Qyteti i Shkupit do të fillojë projektimin dhe ndërtimin e garazheve shumëkatëshe. Kontrata do të lidhet për 15 vjet, me një qira prej 10 për qind të xhiros së përgjithshme, dhe me të ne mundësojmë modernizimin dhe një rritje të ndjeshme të kapaciteteve të parkimit me rreth 50 për qind. Ky vendim mundëson zhvillimin hapësinor dhe ndërtimin e garazheve shumëkatëshe. Si pjesë e përpjekjeve tona për digjitalizim, ne parashikojmë monitorim të plotë të parkimit, gjatë së cilës do të instalohen tabela informuese dhe do të ketë edhe një udhëzues të veçantë digjital që do të orientojë qytetarët", shtoi Aliu.

Ai paralajmëroi se është planifikuar edhe peizazhimi urban dhe hortikulturor i zonës me gjelbërim, shtigje për këmbësorë dhe ndriçim LED. Gjithashtu, siç u njoftua, do të zbatohet një i ashtuquajtur "sistem parkimi inteligjent" me sensorë të integruar në çdo vend parkimi për zbulimin e vendeve të lira, kamera me regjistrim automatik të automjeteve, një aplikacion celular për rezervime dhe pagesa në kohë reale, si dhe lidhje me një sistem fiskal dhe qeverisje elektronike.

Aliu nënvizoi se pacientët meritojnë rend, dinjitet dhe sistem funksional.

"Zgjidhja e problemit me parkingun është pjesë e transformimit më të gjerë të sistemit shëndetësor. Lëvizim nga kaosi drejt sistemit, nga improvizimi drejt digjitalizimit, nga ngecja drejt përgjegjësisë. Për në fund do të jem i qartë, koha e anulimeve ka përfunduar. Kjo është një kulturë e re e përgjegjësisë", konkludoi Aliu në konferencën për shtyp. mb/

Foto dhe video: MIA