Скопје, 15 декември 2013 (МИА) - Претседателот на Собранието Талат Џафери вчера до претседателите на опозициските албански партии Изет Меџити, Африм Гаши, Биљал Касами, Арјанит Хоџа и Скендер Реџепи-Зејд го испратил Извештајот на собраниската Комисија за прашања на изборите и именувањата со утврдената листа на кандидати за член на Државната изборна комисија (ДИК).

Во писмото испратено од Џафери до лидерите на албанските опозициски партии се вели дека најдоцна до 18 декември 2023 година до 16:30 часот треба писмено да му достават предлог за член на ДИК од доставената листа.

-Во прилог Ви го доставувам Извештајот на Комисијата за прашања на изборите и именувањата на Собранието на Република Северна Македонија. Истовремено Ве известувам дека согласно членот 29 став 1 од Изборниот законик во рок од три дена од денот на приемот на ова известување, најдоцна до 18 декември 2023 година до 16:30 часот, потребно е писмено да ми доставите предлог за член на Државната изборна комисија од Листата доставена во прилог на Извештајот, се вели во писмото на Џафери.

Комисијата за прашања на изборите и именувањата утврди листа со пет кандидати од кои треба да се избере член на ДИК и тоа - Берат Даути, дипломиран правник од Тетово, Абдуш Демири, дипломиран економист од Тетово, Роберт Трајковски, магистер по мир и развој од Куманово, Зулфи Адиљи, дипломиран правник од Скопје и Самир Ракипи, дипломиран правник од Тетово.

По утврдувањето на кандидатот, а него треба да се гласа на седница на Собранието.

По именувањето на Кренар Лога за министер за правда се испразни едно место во ДИК.фф/ев/

Фото: МИА Архива