Скопје, 9 јуни 2025 

Директорот на Јавното претпријатие Комунална хигиена Скопје, Сабахадин Рустеми испрати формална нотарски заверена изјава, проследена со соопштение со кое се осврнува на неодамнешните обвинувања изнесени од како тој ги нарече “комитите” од ВЛЕН во врска со наводни неовластени плаќања.

Во својата изјава, Рустеми, ги поби тврдењата дека Јавното претпријатие Комунална хигиена Скопје му исплатило на Ваљон Беџети 12.000 евра во денарска противвредност, директно или преку авторски договор, во било кој момент од 2021 година до денес. Рустеми нагласи дека никогаш, ниту во овој период на Беџети не му е исплатен ниту еден денар, а истото е смислен напад за дефокус од политикантите од ВЛЕН кои се фатени во криминал со дивоградби во Чаир.

Жиро сметките на Јавното претпријатие Комунална хигиена Скопје редовно се предмет на ревизија и се достапни за сите надлежни истражни органи“, изјави Рустеми. „Овие сметки служат како доказ дека не се извршени такви плаќања, факт што може да се потврди во секое време од страна на Управата за приходи на Министерството за финансии.“

Изјавата на Рустеми има за цел да му служи на јавниот интерес преку решавање и отфрлање на обвинувањата што беа сензационализирани во текот на изминатите две недели. Тој тврди дека лагите изнесувани во јавноста од страна на “комитите” од ВЛЕН, се обид да го одвлечат вниманието од нивните активности што се спротивни на законот.

Ова соопштение за медиумите има за цел да ја разјасни вистината за Јавното претпријатие Комунална хигиена Скопје и да го одржи интегритетот на претпријатието во услови на сериозен и континуиран напад врз него од политички центри на моќ кои во моментов владеат со Македонија.

ЈП „Koмунална хигиена“-Скопје

_______________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Фото: МИА архива