Двата дома на Парламентот следната недела ќе се обидат да договорат заедничка верзија на текстот за продолжување на пропусницата. Во случај на неуспешен договор, последниот збор ќе го има Долниот дом. Пропусницата за Ковид, која вклучува доказ за вакцинација, прележаност или негативен тест за коронавирус, е задолжителна од 21 јули за влез во објектите за култура и забава, а од август за влез на повеќето јавни места. Сенатот одлучи да ја продолжи важноста на Ковид пропусницата до 28 февруари, датумот кога ќе биде прекината работата на Парламентот пред претседателските и парламентарните избори. Во Франција, во просек, околу 5.400 луѓе се заразуваат дневно од коронавирусот. Како што пренесуваат локалните медиуми, властите очекуваат релативно мирна зима благодарение на високата стапка на вакцинација од околу 80 проценти. паг/