Училиштето во велешко Црквино во лоша состојба, општината најави негово проширување
- На првиот ден од второто полугодие во посета на Подрачното основно училиште „Св.Кирил и Методиј“ во велешкото село Црквино денеска беше градоначалникот на Општина Велес, Марко Колев,кој напра
![Училиштето во велешко Црквино во лоша состојба, општината најави негово проширување](https://mia.mk/images/20221112041107_big_730x400_50.webp )
Велес,1 февруари 2022 (МИА) - На првиот ден од второто полугодие во посета на Подрачното основно училиште „Св.Кирил и Методиј“ во велешкото село Црквино денеска беше градоначалникот на Општина Велес, Марко Колев,кој направи увид на училишната зграда, што е во лоша состојба.
Тој им соопшти на претставниците на училиштето со кои се сретна и разговараше дека општинските служби имаат решение за нивниот долгогодишен проблем – проширување на зградата на постоечкото училишта, како и изградба на внатрешни тоалети, бидејќи сегашните се надвор од училишната зграда.
Колев најави дека во рамки на надлежностите на Општината ќе се отпочне и процедура за подготовка на процесот.
Во текот на посетата на село Црквино, градоначалникот Колев се сретна и разговараше со жители на селото кои го запознаа и со останатите инфраструктурни и други проблеми со кои се соочуваат и побараа нивно решавање. ад/цр
![nadvoreshni toalet vo ucilishteto vo veleshkoto selo Crkvino](/articles/images/%d1%83%d1%87%d0%b8%d0%bb%d0%b8%d1%88%d1%82%d0%b5%d1%82%d0%be-%d0%b2%d0/5S1AixbK0/placeholder.webp?use_watermark=0)