Бангкок, 29 јули 2025 (МИА) - Тајланд и Камбоџа се согласија да не распоредуваат дополнителни војници по границата откако потпишаа договор за прекин на огнот со кој се става крај на петдневните тешки борби, изјави камбоџански функционер.

Лим Менгур, генерален директор на Комитетот за надворешни работи и меѓународна соработка на Националното собрание на Камбоџа, рече дека е од суштинско значење меѓународните набљудувачи да го следат почитувањето на примирјето.

Тајландските власти соопштија дека првичната штета од конфликтот и трошоците за евакуација на луѓето од погодените области надминале 10 милијарди тајландски бати (308 милиони долари), а се очекува економскиот импакт да биде уште поголем.

Тајландскиот министер за финансии Пичаи Чунгваџира објави дека владата подготвува почетен буџет од 25 милијарди бати (769.349.250 долари) за ублажување на негативните ефекти од конфликтот. мс/

фото: Мапа