Судењето за „Плацови на Водно“ продолжува на 18 февруари
- Следното рочиште за случајот „Плацови на Водно“, е закажено за 18 февруари. На денешното рочиште за овој предмет беше сослушан и поранешниот советник во Советот на Град Скопје, од редовите на
![Судењето за „Плацови на Водно“ продолжува на 18 февруари](https://mia.mk/images/20221112050648_big_730x400_48.webp )
Скопје, 14 февруари 2022 (МИА) - Следното рочиште за случајот „Плацови на Водно“, е закажено за 18 февруари. На денешното рочиште за овој предмет беше сослушан и поранешниот советник во Советот на Град Скопје, од редовите на ВМРО-ДПМНЕ, Александар Бичиклиски, кој ја појасни процедурата на носење на ГУП-от за Град Скопје, за која рече дека била иницирана уште од времето на Трифун Костовски.
Тој наведе дека на седницата за носење на ГУП-от, во 2012 година гласале вкупно 26 советници, меѓу кои и советници од опозицијата.
- Ниту претседателот Груевки, ниту пак некој друг во државата ми сугерирал како да гласам за носење на ГУП-от во 2012 година, рече Бичиклиски.
Случајот „Плацови на Водно“ го води судијата Илија Трпков, а застапник на обвинението е обвинителката Лиле Стефанова.
Според обвинението, поранешниот премиер Груевски е обвинет за делата „перење пари и за противправно стекнување и прикривање на имот”, а неговиот кум, Ристо Новачевски, бизнисмените Ненад Јосифовиќ, Јордан Орце Камчев и Ратка Куновска Камчева се товарат за „перење пари”. Мијалков, кој е прв братудед на Груевски, е обвинет за „помагање при кривично дело перење пари и други приноси од казниво дело”. оџ/аа/