Стадионот Маракана во Бразил ќе биде пренаменет во болница
Рио де Жанеиро, 10 мај 2020 (МИА) - Маракана во Рио де Жанеиро, еден од најпознатите стадиони во светот, ќе стане привремена болница за заразените од новиот коронавирус.
Привремената конструкција на терен ќе овозможи да се постават 400 болнички кревети следниот викенд, пишува Би-Би-Си.
Уште две слични болници наскоро ќе се отворат во Рио, вклучително и таа во Олимпискиот парк.
Бразил, со речиси 150.000 заразени и повеќе од 10.000 смртни случаи од Ковид-19, има една од највисоките стапки на инфекција со коронавирус во светот. паг/
