Средба на генералниот секретар на СДСМ Зечевиќ со Ана Линде од Социјалдемократската партија на Шведска
- 22 ноември 2022
![Средба на генералниот секретар на СДСМ Зечевиќ со Ана Линде од Социјалдемократската партија на Шведска](https://mia.mk/images/20221128065815_big_730x400_20.webp )
22 ноември 2022
За време на денешниот „Социо – еколошки форум“ којшто се одржува во Скопје генералниот секретар на СДСМ, Миле Зечевиќ се сретна со Ана Линде, поранешна министерката за надворешни работи на Кралството Шведска, политичарка од шведската Социјалдемократска партија.
На средбата се разговараше за европската иднина на земјава, по отворањето на преговорите за полноправно членство со ЕУ како и за мерките и политиките на СДСМ за справување со предизвиците предизвикани од глобалната енергетска криза.
Зечевиќ се заблагодари на придонесот и поддршката на Шведска за македонската држава како и на силната сестринска поддршка во рамки на ПЕС од страна на шведската Социјалдемократска партија.
![Средба на генералниот секретар на СДСМ, Зечевиќ со Ана Линде (1)](/articles/images/d181d180d0b5d0b4d0b1d0b0-d0bdd0b0-d0b3d0b5d0bdd0b5d180d0b0d0bbd0bdd0b8/YhoVnesi7/placeholder.webp?use_watermark=0)
- Потребен е широк општествен консензус за европската иднина на земјата затоа што членството во ЕУ е врвен национален интерес. СДСМ е подготвена да води на тој европски пат, но неопходно е национално обединување за нов државен и генерациски успех. Македонската иднина е европска и ние мора да ги поставиме државните и национални дејствувања во констелацијата на идните регионални соработки, на европските асоцирања и глобални позиционирања. Во ова насока ја гледам и поддршката од шведските социјалдемократи којашто е добредојдена, рече Зечевиќ.
Линде ја поздрави силната и одлучна посветеност на СДСМ и Владата којашто ја предводи Ковачевски за спроведување на неопходните реформи за забрзување на ервопската интеграција на земјава.
Заеднички беше оценето дека блиските односи меѓу двете сестрински партии како и двете земји, преку заедничка соработка, размена на мислења и меѓусебна поддршка ќе продолжи и понатаму на високо ниво.
СДСМ - Центар за комуникации со јавноста
___________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.