Њу Делхи, 28 ноември 2023 (МИА) - Спасувачките тимови дојдоа на пет метри од 41 работник заробени од 12 ноември во сообраќајниот тунел што се урна во северна Индија, соопштија денеска тамошните власти.

Челична цевка доволно широка за да им овозможи на луѓето да минуваат достигна 52 метри во внатрешноста на тунелот и треба да се пробие на 57 метри.

-Спасувачката операција треба да заврши наскоро, соопштија властите на индиската сојузна држава Утаракханд.

Сите работници се живи и преку цевководот се снабдуваат со вода и сува храна, комуницираат преку воки-токи, а нивните загрижени семејства деноноќно ги чекаат пред самиот тунел.

Тунел долг 4,5 километри во изградба, на фреквентен пат што ги поврзува популарните верски и туристички дестинации, се урна на 12 ноември. мс/

фото: МИА архива