• четврток, 22 февруари 2024

Спасовски: Во текот на изминатата недела приведени се над 60 лица по разни основи

Спасовски: Во текот на изминатата недела приведени се над 60 лица по разни основи

Скопје, 23 ноември 2023 (МИА) – Во текот на изминатата недела приведени се над 60 лица по разни основи, криумчарење мигранти, кражби, тешки кражби, недозволена трговија со дрога, физички пресметки, нелегално поседување оружје, грабнување, информира министерот за внатрешни работи Оливер Спасовски.

Министерот преку социјалната мрежа Фејсбук информира дека во текот на изминатата недела преземени биле засилени оперативни мерки и превентивни активности во функција на поголема безбедност на граѓаните.

-По преземени мерки на СВР низ државата како и мобилната единица за безбедност во сообраќајот на патиштата, издадени се 4828 прекршочни платни налози за сторени сообраќајни прекршоци. Остварени се 14 превентивни активности на теми превенција од илегална миграција и транспорт на мигранти со моторни возила, сајбер булинг (онлајн насилство), врсничко насилство и безбедност во училиштата, превенција од трговија и користење дрога, безбедно патување во зима, напиша Спасовски. свс/нд/

Фото: Фејсбук

Остани поврзан