Скопје, 28 февруари 2020 (МИА) - Сообраќајот на државните патишта се одвива по наместа влажни коловози, а снег врне во Крива Паланка, Страцин, Крушево и на планинските премини Буково, Ѓавато и Плетвар, информира ЈП „Македонијапат“. На одредени патни правци кои поминуваат низ клисури и усеци можна е појава на поситни одрони. ЈП „Македонијапат“ апелира на внимателно возење и прилагодување на брзината кон условите на патот. Дежурните екипи на „Македонијапат“ се постојано на терен и ги одржуваат сите патни правци проодни. Поради врнежи од снег попладне од 15:50 часот на патниот правец Гостивар-Стража е воведена забрана за товарни моторни возила, соопшти претходно Автомотосојузот на Македонија. Во 15 часот, беше воведена забрана за камиони и на патот Маврово – Дебар. Невремето проследено со силен ветер, дожд и повремено со снег, што го зафати попладнево подрачјето на Дебар, Река и Жупа предизвка помали одрони на патните правци во овој регион, поради што од дебарската секција на „Македонија пат“ препорачуваат многу внимателно возење, посебно по клисурата на реката Радика.ир/лв/