Њујорк, 14 ноември 2025 (МИА) - Советот за човекови права на ОН денеска нареди истражна мисија за да ги идентификува сите одговорни за наводните кршења на меѓународното право во Фашер, Судан, за да можат да бидат изведени пред лицето на правдата.

Советот усвои резолуција со која нареди независна мисија на ОН за утврдување факти за да ги разјасни фактите и околностите околу настаните во Судан за итно истражување на кршењата на меѓународното право извршени во Фашер од страните во конфликтот.

Телото на ОН ја повика мисијата да ги „идентификува, доколку е можно“ наводните сторители за да се осигури дека тие „ќе бидат одговорни за своите постапки“ пред судовите. мс/

фото: ЕПА архива