Нион, 9 август 2021 (МИА) - Сергеј Карасев од Русија ќе ја дели правдата на натпреварот за Суперкупот на УЕФА помеѓу Челзи и Виљареал, што се игра на 11 август во Белфаст на стадионот „Виндзор парк“, објави Судискиот комитет на УЕФА. Карасев, кој има 42 години, е меѓународен судија од 2009 година и редовно суди на натпревари во Лигата на шампионите, УЕФА Лига Европа и националните натпреварувања. Ова лето тој беше на чело на три натпревари на УЕФА ЕВРО 2020, вклучувајќи го и осминафиналето меѓу Холандија и Чешка, а беше и четврт судија на три натпревари од турнирот. На натпреварот од Суперкупот, на Карасев ќе му помагаат сонародниците Игор Демешко и Максим Гаврилин, додека, Алексеј Кулбаков од Белорусија ќе биде четврти судија. Улогата за видео - помошник судија - ВАР е доделена на Марко Фриц од Германија, а тој ќе биде придружуван од Павел Гил од Полска и Масимилијано Ирати од Италија. Судискиот состав го комплетира резервниот помошник судија Филипо Мели од Италија. ар/лв/