Манчестер, 20 декември 2024 (МИА) - Пол Погба не беше во базата на Манчестер сити. Инсајдерот Фабрицио Романо ги демантираше информациите за посета на Французинот во тренинг базата на „Граѓаните“.

Претходно беше објавено дека Манчестер сити разговарал со Погба за можен трансфер. Играчот од средниот ред го напушти Јувентус како слободен играч.

Да потсетиме, Погба успешно ја оспори 4-годишна дисквалификација поради прекршување на антидопинг правилата во CAS. Суспензијата е намалена на 18 месеци и ќе заврши во март следната година.

Погба е поврзуван и со Марсеј, но од францускиот тим нема потврда за евентуален негов ангажман. зс/

Фото: ЕПА