Манчестер, 9 ноември 2024 (МИА) – Фудбалерот на Манчестер сити, Родри зборуваше за тоа што значи неговата Златна топка за младите играчи од средниот ред.

- Тоа само им покажува дека фудбалот е многу повеќе од постигнување голови. Ова може да ги охрабри младите да бидат одлични тимски играчи без да се грижат дека ќе останат во сенка и дека нема да бидат препознаени. И играч како Дани Карвахал лесно може да ја освои Златната топка. Тој го заслужува тоа, особено затоа што може да влијае на играта како дефанзивец. Во теорија, тој има уште помалку можности од играч од средниот ред како мене, изјави шпанскиот играч за врска на „Граѓаните“.

Родри неодамна ја освои „Златната топка“ која се доделува за најдобриот фудбалер во изминатата сезона. Весникот Л’Екип вчера објави дека Родри го победил Винисиус Жуниор со само 41 бод разлика во гласањето.

Винисиус (Реал Мадрид) пред доделувањето на наградата важеше за голем фаворит. зс/

Фото: ЕПА