• недела, 24 март 2024

Приведени двајца дилери од Делчево, пронајдена марихуана 

Приведени двајца дилери од Делчево, пронајдена марихуана 
Скопје, 14 април 2023 (МИА) - Полициски службеници од ОВР Делчево при СВР Штип ги лишиле од слобода А.М.(24) и Д.И.(24) од Делчево, информираа денеска од МВР.
 
По преземени мерки и активности, со судска наредба полициските службеници извршиле претрес во домот на С.М.(24), при што пронашле и одзеле марихуана. Истиот ден, по судска наредба, извршен бил претрес на дом и други простории во кои живее Д.И.(24) во Делчево, при што биле пронајдени и одземени две ќеси со марихуана, кутија со остатоци од марихуана и дробилка. При преглед на патничко возило „ауди“, пак, сопственост на Д.И., била пронајдена и одземена уште една ќеса со марихуана.
Двајцата биле приведен во полициска станица и по целосно документирање на случајот против нив ќе бидат поднесени соодветни пријави. цр/нд/
 
Фото:МИА

Остани поврзан