Претседателите на Јувентус и на Лацио се расправаа за коронавирусот на состанокот за судбината на Серија А
- Претседателот на Јувентус, Андреа Ањели, и првиот човек на Лацио, Клаудио Лотито, влегоа во расправија за време на состанокот за судбината на сезоната 2019/2020 во Серија А.
![Претседателите на Јувентус и на Лацио се расправаа за коронавирусот на состанокот за судбината на Серија А](https://mia.mk/images/20221103161409_big_730x400_77.webp )
Рим, 25 март 2020 (МИА) - Претседателот на Јувентус, Андреа Ањели, и првиот човек на Лацио, Клаудио Лотито, влегоа во расправија за време на состанокот за судбината на сезоната 2019/2020 во Серија А.
На средбата се разгледуваше и можноста за предвремено прекинување на првенството, пренесува „Тутопорт“ .
- Дали сте ги виделе податоците? Епидемијата се повлекува! Ова го знам затоа што комуницирам со експерти кои се во првите редови, а не со докторите на фудбалските клубови, рекол Лотито.
На ова, Ањели одговрил:
- Па, се разбира, сега станавте искусен виролог.
Јувентус и Лацио се двете првополасирани екипи во моментот на прекин на првенството во Италијанското фудбалско првенство. зс/