Куманово, 7 март 2026 (МИА) - Македонската женска ракометна репрезентација вечерва во Куманово ја совлада Белгија со 33:28 во квалификациите за пласман на еврошампионатот.

Македонките во целост се реваншираа на Белгија за поразот од пред три дена (24:25).

Голманката Андреа Илиќ со 12 одбрани и Марија Јанкуловска со осум погодоци се најзаслужните за победата. По шест гола запишаа Стефановска, Кирпијановска и Ива Младеновска. 

На табелата води Германија со 6 бода, Словенија има 4, Македонија и Белгија по 2. зс/

Фото: РФМ