Ресен, 28 октомври 2025 (МИА) - Општина Ресен објави јавен повик до граѓаните и правни лица кои се даночни и таксени обврзници да ги подмират своите обврски по основ данок на имот и комунална такса и со тоа да придонесат за развојот на општината.

Од тамошната локална самоуправа информираат дека даночната администрација на Општина Ресен ги доставила решенијата за данок на имот и комунална такса, за 2025 година со што создадени се услови за навремено подмирување на законските обврски.

-Секој граѓанин даночен обврзник треба да знае дека со навремено подмируваме на данокот на имот, го полни директно општинскиот буџет, преку кој се реализираат сите планирани јавни и инфраструктурни проекти. Со ова, едноставно кажано, секој од нас лично придонесува за развојот на општината. Затоа потребно е граѓаните на Општина Ресен кои се даночни обврзници по основ на данокот на имот и сите правни лица и трговци поединци, обврзници по основ на комунална такса за назив на фирма и данок на имот  за правни лица да ги платат решенијата за данок на имот и комунална такса, за 2025 година, нагласуваат од тамошната локална самоуправа.

Рок за извршување на обврската за подмирување на даноците согласно Законот за даноците на имот е 15 ноември, посочија од Општина Ресен. мт/мд/

Фото: МИА