Пехчево, 21 октомври 2024 (МИА) - Општина Пехчево објави јавен повик за невработени лица за учество во проектот од програмата за работно ангажирање – Јавни работи. Активноста е  финансирана од буџетот на Агенцијата за вработување на РСМ и кофинансирана од Општина Пехчево за 2024 година. 

-Со овој јавен повик ги повикуваме  граѓаните за појавување на интерес за учество во работно ангажирање на евидентирани невработени лица во проект на општина Пехчево и АВРМ, Центар за вработување – Берово од инфраструктурен карактер и заштита на животната средина на локално ниво. За успешна реализација на повикот работно треба да бидат ангажирани 10 лица кои се пријавуваат во АВРМ, Центар за вработување – Берово како евидентирани невработени лица, се вели во повикот од Општина Пехчево.

Избраните кандидати ќе бидат ангажирани за четири работни часови дневно, пет дена во неделата. 

-Времетраење на проектот е 30 работни дена. Почеток со работа од 29-ти октомври 2024 година. Финансискиот надоместок ќе изнесува од 800 денари дневно, додадоа од Општина Пехчево.

Пријавувањето на кандидатите е во просториите на општина Пехчево, а краен рок за пријавување е 28.10.2024 година. вс/дма/

Фото: Општина Пехчево