Киев, 30 ноември 2023 (МИА) - Украинскиот народен правобранител ја обвини Русија дека блокира каква било размена на воени заробеници меѓу двете земји.

„Размена на воени заробеници немаше, бидејќи Русија не го сака тоа“, изјави Дмитро Лубинец во Телеграм.

Украинските медиуми потсетуваат дека последната размена меѓу двете земји била на крајот на октомври.

„Секоја иницијатива и напор од страна на Украина се соочува со недостиг на желба од страна на Русија да ги врати своите граѓани“, рече Лубинец.

Тој ја обвини Русија дека се обидува да сее вознемиреност меѓу семејствата на украинските воени затвореници, велејќи дека Киев е тој што не прави ништо во врска со размената на затвореници.

Народниот правобранител во август рече дека Украина успеала да врати речиси 2.600 воени заробеници во околу 50 организирани размени со Москва од почетокот на руската инвазија во февруари 2022 година. рп/

Фото: МИА архива