Нова сезонска авиолинија Скопје - Измир од утре
- Нова сезонска авиолинија Скопје - Измир почнува од утре. Пегасус ерлајнс (Pegasus Airlines) и Санекспрес (Sunexpress) ќе летаат на оваа авиорута, во текот на целата летна сезона, од почетокот
![Нова сезонска авиолинија Скопје - Измир од утре](https://mia.mk/images/20221113145747_big_730x400_36.webp )
Скопје 1 јуни 2022 (МИА) - Нова сезонска авиолинија Скопје - Измир почнува од утре. Пегасус ерлајнс (Pegasus Airlines) и Санекспрес (Sunexpress) ќе летаат на оваа авиорута, во текот на целата летна сезона, од почетокот на јуни до крајот на октомври.
- Задоволни сме што се отвора оваа сезонска авиолинија, меѓу Скопје и Измир, како еден од главните туристички центри на Турција, до кој досега немаше директна авиоврска. Измир е атрактивна дестиција за македонските граѓани, како од аспект на туристички патувања, така и од бизнис-аспект, со оглед на тоа што е третиот најголем град во Турција каде е сместено најважното извозно пристаниште и каде што се одржуваат бројни саеми. Сигурни сме дека оваа линија ќе придонесе и за зголемување на бројот на туристи, како и за зајакнување на економската соработка меѓу двете држави. Со ваквиот потенцијал, се надеваме дека во иднина може да стане и редовна авиолинија во текот на целата година, изјави Метин Батак, генерален директор на ТАВ Македонија.
Како што соопштија од ТАВ Македонија, авиопревозникот Пегасус почнува да лета на релација Скопје - Измир од утре, втори јуни, и ќе лета до 27 октомври, секој четврток, со време на пристигнување на Меѓународниот аеродром Скопје во 14 часот и 20 минути и време на полетување за Аеродромот Аднан Мендерес во Измир, во 15 часот и 20 минути; како и секоја недела, со време на слетување во Скопје во 9 часот 55 минути и време на полетување за Измир во 10 часот и 45 минути.
Авиопревозникот Санекспрес, пак, ќе стартува со летови на истата авиолинија на 12 јуни и ќе лета до 2 октомври секоја недела, со време на слетување на Меѓународниот аеродром Скопје во 1 часот и 35 минути и време на полетување за Аеродромот Аднан Мендерес во Измир во 2 часот и 25 минути.
Од ТАВ Македонија очекуваат зголемен авиосообраќај во претстојната летна сезона и на двата македонски аеродроми - Меѓународниот аеродром Скопје, од каде што во моментов се лета до 43 дестинации, и Аеродромот Свети Апостол Павле Охрид, од каде што моментално има летови до 13 дестинации. лв/са/
![thumbnail_skopje_international_airport](/articles/images/%d0%bd%d0%be%d0%b2%d0%b0-%d1%81%d0%b5%d0%b7%d0%be%d0%bd%d1%81%d0%ba%d0/1b3RxNhtA/placeholder.webp?use_watermark=0)
![thumbnail_izmir](/articles/images/%d0%bd%d0%be%d0%b2%d0%b0-%d1%81%d0%b5%d0%b7%d0%be%d0%bd%d1%81%d0%ba%d0/wJMdeDfs2/placeholder.webp?use_watermark=0)