Њу Делхи, 10 јули 2025 (МИА) - Најмалку девет лица загинаа денеска откако мост над река се урна во западната индиска држава Гуџарат, по неколкудневните обилни дождови, соопшти полицијата.

Министерот за здравство на Гуџарат, Рушикеш Пател, изјави дека неколку возила биле на мостот кога дел од него се урна, предизвикувајќи многумина да паднат во реката. Тој рече дека најмалку пет лица се спасени.

Премиерот Нарендра Моди изрази сочувство до семејствата на жртвите.

Индиската инфраструктура долго време се соочува со безбедносни проблеми, што понекогаш доведува до големи катастрофи на автопатите и мостовите.

Така, во 2022 година, висечки мост стар со векови се урна во река, исто така во Гуџарат, предизвикувајќи стотици луѓе да паднат во водата и убивајќи најмалку 132 лица. мс/

фото: ЕПА