Скопје, 29 октомври 2023 (МИА) -  Во рамки на 15. Меѓународен фестивал на класична гитара „Тремоло" што го организира Детскиот културен центар „Карпош", вечер од 19 часот во Филхармонијата ќе гостуваат Ел Сонидо дела Вида - Карлос Санчез  од Шпанија. 

Фестивалот има три концертни вечери - почна вчера со настап на најдобрите млади класични гитаристи, а ќе продолжи утревечер во Музејот на македонската борба со настап на гитаристи од Тајван и Франција.  Влезот за концертите е слободен.

-Покрај трите концертни вечери, во текот на овој музички фестивал ќе се одржат и мастер часови и работилници од областа на класичната гитара и фламенко, соопшти Детскиот културен центар „Карпош".

Меѓународниот фестивал на класична гитара „Тремоло" е под покровителство на Град Скопје.  хс/са/

Фото: Детски културен центар „Карпош"