Битола, 23 декември 2024 (МИА) - Во Офицерскиот дом во Битола денеска ќе се одржи првиот консултативен настан за измените и дополнувањата на Законот за локална самоуправа.

Како што е најавено од Министерството за локална самоуправа, настанот ќе го отвори ресорниот министер Златко Перински, а меѓу учесниците ќе бидат дел од експертскиот тим кој е вклучен во процесот - проф. д-р Александар Спасеновски, проф. д-р Гордан Георгиев и проф. д-р Мемет Мемети.

Исто така, најавено е присуство и на градоначалникот на Битола, Тони Коњановски, како и на градоначалниците од Југозападен и Полошки регион.

Настанот е организиран од страна на Министерството за локална самоуправа, а поддржан од проектот „Зајакнување на општинските совети“ финансиран од Владата на Швајцарија и Министерството за локална самоуправа, кофинансиран и имплементиран од Програмата за развој на Обединетите нации - УНДП, во соработка со други национални институции и ЕЛС.бт/нд

Фото: МИА Архива