Мултимедијален настан „Сите сме исти“ во Велес
- Здружението на лица со церебрална парализа и други попречености од Велес, во рамки на манифестацијата „59-ти Рацинови средби“, вчера во Ликовниот салон го реализираше мултимедијалниот настан
![Мултимедијален настан „Сите сме исти“ во Велес](https://mia.mk/images/20221113160744_big_730x400_31.webp )
Велес, 16 јуни 2022 (МИА) - Здружението на лица со церебрална парализа и други попречености од Велес, во рамки на манифестацијата „59-ти Рацинови средби“, вчера во Ликовниот салон го реализираше мултимедијалниот настан „Систе сме исти“. На настанот беа презентирани талентираните членови на Здружението на лица со церебрална парализа и други попречености од Велес, информира денеска претседателката на ова Здружение Далиборка Златева.
- Целта беше со разни свои дела и вештини да се претстават нашите членови пред своите сограѓани и само да потврдат дека сите сме исти, потенцира Златева.
Таа информира дека Бубе Дуков се претстави со своите ликовни дела и го изработи портретот на Коста Солев Рацин. Билјана Џуфовска се претстави со фрески. Јордан Андов рецитираше стихови од Коста Солев Рацин.
Свои стихови рецитираше Анита Димитровска, а стиховите на Вања Павлова и Зорица Палитова ги рецитираа Александра Анѓушева, Милена Димовска и Ангела Димовска. Практично како се работи со глина покажаа Бранкица Трајчева, Невенка Кимовска, Ивица Ристовски и Оле Станчевска, а Ангеле учествуваше во комплетната реализација на настанот.
- Огромна благодарност до нашата долгогодишна соработничка и поддржувачка актерката Весна Димитрова Бобевски која несебично се заложи за подготовка на целосниот перформанс и истиот го изнесе со силни емоции и голем професионализам. Благодарност до учениците од ООМУ „Стефан Гајдов“ Мила Јорданов-акустична гитара, Филип Андоновски - кларинет, Игор Андреев-корепетитор и професорот Златко Андреевски кои со музички точки го разубавија и надополнија настанот. Благодарност и до Општина Велес и организациониот одбор на „59 Рацинови средби“ кои ни овозможија да бидеме дел од истите, потенцира Златева. ад/мс/
![thumbnail_ZDR Racin 1](/articles/images/%d0%bc%d1%83%d0%bb%d1%82%d0%b8%d0%bc%d0%b5%d0%b4%d0%b8%d1%98%d0%b0%d0%/v1h0KS7To/placeholder.webp?use_watermark=0)