Скопје, 17 јануари 2023

Денес претседателот на ВМРО-ДПМНЕ проф-др Христијан Мицкоски оствари средба со амбасадорот на Унгарија, Н.Е. Андраш Клајн.

На средбата беше посочено од страна на Мицкоски дека блокадата со која се соочува државата на патот кон ЕУ интеграциите поради потребата за уставни измени преставува доказ за погрешните чекори и слепата улица во која е доведена Македонија како последица на капитулантската надворешна политика, но и чекорите без стратегија со која владата ја доведе земјата во незавидна состојба.

Уставни измени од оваа власт, под ваков бугарски диктат нема да се случат, а сите спротивни изјави од првенците на власта се само евтин политички маркетинг и де фокус од нивната неспособност, власта нема мнозинство гласови да работи спротивно од волјата на народот, посочи Мицкоски на средбата со Клајн.

На Македонија и е потребна интеграција во ЕУ базирана на извесна иднина без дополнителни условувања и уцени, кажа претседателот на ВМРО-ДПМНЕ кој ја истакна и загриженоста за тешката економска состојба, енергетската криза и растечката инфлација.

Центар за комуникации на ВМРО-ДПМНЕ

___________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.