Скопје, 27 септември 2025 (МИА) - Првиот потпретседател на Владата и воедно кандидат на коалицијата ВЛЕН за градоначалник на општина Чаир, Изет Меџити, денеска за време на 
посетата на Бит Пазар ја истакна посебната важност што тој ја има за економскиот и социјалниот развој, се вели во соопштението од ПР тимот на Изет Меџити, што МИА го пренесува интегрално. 

„Бит Пазар има особено значење за Чаир. Тука секојдневно работат стотици трговци, а од овој пазар живеат илјадници семејства. Ова место и понатаму останува главен центар на традиционалната трговија, каде што земјоделците и локалните производители директно се поврзуваат со граѓаните, создавајќи економска живост и одржувајќи го силен малиот  бизнис“, изјави Меџити.

Тој додаде дека Бит Пазар е основата врз која се гради целиот трговски живот на Чаршијата.

„За Чаршијата, Бит Пазар е темелот врз кој се гради трговскиот живот. Секоја активност таму се одразува врз развојот на целата околна зона, одржувајќи ја економијата активна и давајќи сила на семејствата кои живеат од чесната работа“, потенцираше тој.

Меџити најави дека идните планирани инвестиции ќе бидат насочени кон модернизација на овој значаен пазар.

„Ние ја насочивме нашата внимателност кон инвестициите во Бит Пазар. Нашата цел е да го модернизираме, да ги подобриме условите за трговците и да создадеме пофункционални простори за бизнисите. Секоја инвестиција овде е директен чекор кон економски раст на Чаршијата и зајакнување на благосостојбата на жителите на Чаир“, истакна Меџити.

На крајот тој им се обрати на граѓаните со повик за поддршка на изборите на 19 октомври.

„На 19 октомври, со вашата поддршка, ќе го продолжиме овој правец, за и Бит Пазар да биде место на развој, силна трговија и моќ на локалната економија“, додаде Меџити.

ПР тимот на Изет Меџити