Медведев: Како резултат на моменталните настани, Украина може да исчезне од светската карта
- Тој нагласи и дека „украински криминалци дефинитивно ќе бидат кривично гонети за злосторства извршени над народот на Украина и на Русија“
![Медведев: Како резултат на моменталните настани, Украина може да исчезне од светската карта](https://mia.mk/images/20221113183240_big_730x400_59.webp )
Москва, 21 јули 2022 (МИА) - Поради расплетот на настаните, Украина како држава може да исчезне од светската карта, напиша денеска на Телеграм, заменик - претседателот на Советот за безбедност на Русија, Дмитриј Медведев.
„По државниот удар во 2014 година, Украина ја изгуби независноста на државата и падна под директна контрола на колективниот Запад, а почна да верува и дека НАТО ќе ја гарантира нејзината безбедност. Како резултат на сите моментални настани, Украина би можела да го изгуби и тоа што остана од нејзиниот државен суверенитет и да исчезне од светската карта“, смета Медведев.
Тој нагласи и дека „украински криминалци дефинитивно ќе бидат кривично гонети за злосторства извршени над народот на Украина и на Русија“. бд/зш/