Скопје, 22 јануари 2022 (МИА) – Претседателот на Македонскиот полициски синдикат, д-р Марјан Кицев потпиша Меморандум за меѓусебна соработка со претседателот на воениот синдикат „Железен полк“ од Србија, Љубиша Милошевиќ, информираат од Македонскиот полициски синдикат. - Меморандумот предвидува активности на двете синдикални организации во двете држави на полето за аплицирање на проекти за добивање средства за спроведување на активности пред соодветни институции и фондации кога тоа е од интерес на своето членство, како и давање на секаков вид на меѓусебна помош и поддршка во случаите кога ќе имаат проблеми поради своите синдикални идеи, активности и планови, се вели во соопштението. Од Синдикатот додаваат дека оваа соработка носи огромни очекувања, поради заедничките проблематики на двата синдикати. ки/ац/